فراشة حائرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخولفراشـــــــــــــــــة

 

 .:.((بنت تتمنى ان تتزوج )).:.

اذهب الى الأسفل 
2 مشترك
كاتب الموضوعرسالة
بسبوسة
مشرفة
مشرفة
بسبوسة


عدد الرسائل : 635
العمر : 35
sms :


My SMS
يعطيك الف عافية


&n : .:.((بنت تتمنى ان تتزوج )).:. C13e6510
صور : .:.((بنت تتمنى ان تتزوج )).:. Pi-ca-34
علم : .:.((بنت تتمنى ان تتزوج )).:. Female31
تاريخ التسجيل : 06/12/2007

.:.((بنت تتمنى ان تتزوج )).:. Empty
مُساهمةموضوع: .:.((بنت تتمنى ان تتزوج )).:.   .:.((بنت تتمنى ان تتزوج )).:. I_icon_minitime2007-12-09, 10:26 pm

كنت قاعدة اتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان...
قلبت القناة على قناة Fuziah لحد يسألني وشي قناة فوزية
لقيت عرض ازياء فساتين عرايس... قلبت لقيت خطوات وضع مكياج العروس... سكرت التلفزيون وجريت الونة
التفت على ابوي اللي نسيت تماما انه كان جنبي. .. قال لي ابوي:
خير ان شاء الله يابنتي؟! وش فيك؟! عسى ماشر؟!
انا تلخبطت ساعتها وفتحت له التلفزيون وقعدت ساكتة...
ايه اكيد بسكت وش اقول؟ اقول له ودي اعرس؟؟؟ (يعني اتزوج بالعربي)... اقول له ان صاحباتي اغلبهم تزوجو؟؟؟
ولا اقول له اني تمنيت اكون مكان بنت خالي في كوشتها وفي الزفة امس؟ يقطع الدراسة وسنينها ياشيخ...
اوف والله غثا يا بخت جداتنا ماتطق الوحدة العشر سنين الا هي مخطوبة وعلى الثنعش اعرست وان وصلت البنت ثمنطعش ما اعرست قالو عانس!!! هذوليك البنات اللي عايشين صح مب حنا اللي نعجز ونوصل سن اليأس مااعرسنا... أخ يبه الله يفتح عليك وتخليني اعرس... وتفكني من الدراسة...
وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال رقم غريب... رد بلهجة رسمية:
-وعليكم السلام..... الله يسلمك..... الحمدلله بخير..... ايه انا ابوفلانة (منيب قايلة احلى نوف عشان محد يعرفني ويضحك علي).... لا منت غلطان انا هو... ماعليك زود الله يسلمك... من معاي ياخوي ماعرفتك... والنعم.... تفضل وش السالفة اللي تبيني فيها؟.... لا ماني مشغول... لهالدرجة الموضوع مهم؟!... تفضل تكلم شغلتني...
والتفت ابوي علي وعطاني نظرة غريبة
انا ساعتها قرصني قلبي مو من ردود ابوي بس من نظراته الغريبة
رد ابوي على المتصل: وش فيها زود طيب؟... لا بس مافيها أي ميزات عن الباقي...
>>>ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل
رد ابوي على المتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيب من دلك علي وعطاك رقمنا؟..... لا الموضوع يا ابني مو بهالبساطة.... العملية مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله
انا كنت اتابع حركات ابوي وانا متشققة من الفرحة... اخيرا انخطبت وبتزوج مثلي مثلي غيري... يوووووه أخيرا بلبس فستان ابيض منفووووووش
اخيرا بطلع اجهز واتقضى للزواج... بسوي زواج كبير مررررررة وبحط زفة ريميكس وطرحتي مابيها خليجية وع بخليها مبتكرة... منيرة منيب عازمتها هي وخواتها ماعزموني الاسبوع اللي فات على الدي جي اللي سووه... وحصة صديقة امي منيب عازمتها بعد مطوعة مالي خلقها تحوسني لو حطيت اورج... وبشتري اغراض واشيل واحط واخطط... بيصدع راسي بس ولو لذيذ هالصداع...
يوم قفل الخط ابوي التفت علي وهو مبتسم ابتسامة تعجب وهو ساكت... قلت:
- هاه يبه؟ متى بيجي يشوفني؟
- منهو
- هذا اللي خطبني تو
- وشو؟!
- خطيبي اللي تو
- تموووووونين انتي ووجهك صار خطيبك على طول ماعندك وقت
- ايه يبه ترا احذرك هالمرة شف تكرش العريس مثل ماكرشت ولد ام مساعد العام للحين تراها حازة في نفسي ترا هالمرة بضرب عن الدراسة... ولا الاكل مقدر اضرب عنه... وجع يبه بعنس من تحت راس فعايلك بخطاطيبي...
والرسول حث على تزويج من ترضون دينه وخلقه... وهذا قايل قلبي انه اجودي ترا مااعرفه بس اتوقع انه كذا... وترا العرس اهم من الدراسة عشان الجنس البشري ماينقرض.... وبعدين من قال لك اني منيب مكملة دراستي والله بكمل
حسيت ان عيون ابوي بتطلع من شدة علامات التعجب اللي في وجهه بعدين انفجر من الضحك
- هي انتي وين رحتي حدك حدك لا تشطحين!!!
- وش اشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة
- أي عريس واي هم؟؟!!... انتي مصخنة؟؟ ... هذا مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ خخخخخخخ....
قومي نامي يابنيتي ولا تكثرين قعدة قدام التلفزيون... الحين بس عرفت ليه سكرتيه تو... انا لا تسألون عن وجههي...
الله يقطع ام العجلة اللي تعرفونها... مشكلتي اني اجزم على طوووووول هههههههههه
الرجوع الى أعلى الصفحة اذهب الى الأسفل
فراشة حائرة
مدير المنتدى
مدير المنتدى
فراشة حائرة


عدد الرسائل : 1280
العمر : 35
sms :


My SMS
معـــــــــــا للارتقاء بالمنتدى


سبحان الله وبحمده


الاوسمة : .:.((بنت تتمنى ان تتزوج )).:. 4jffsh0idzjy
&n : .:.((بنت تتمنى ان تتزوج )).:. C13e6510
علم : .:.((بنت تتمنى ان تتزوج )).:. Female30
المهنة : .:.((بنت تتمنى ان تتزوج )).:. Accoun10
النادى المفضل : .:.((بنت تتمنى ان تتزوج )).:. 345173700
تاريخ التسجيل : 04/12/2007

.:.((بنت تتمنى ان تتزوج )).:. Empty
مُساهمةموضوع: رد: .:.((بنت تتمنى ان تتزوج )).:.   .:.((بنت تتمنى ان تتزوج )).:. I_icon_minitime2007-12-13, 10:07 pm

.:.((بنت تتمنى ان تتزوج )).:. C113a71
الرجوع الى أعلى الصفحة اذهب الى الأسفل
 
.:.((بنت تتمنى ان تتزوج )).:.
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
فراشة حائرة :: فراشة حائرة :: ("المنتديات الادبية") :: فراشة القصص والحكايات-
انتقل الى: