كلمات البوم وائل كافورى الجديد

بيحن

بيحن للنغمة الوتر.... بيحن للشمس القمر..... بيحن لليل السهر....... وانا مش قادر حنلك
في حب بقلبي انسكر..... في جرح وتارك أثر .....روحي تركتك للقدر.... مش قادر اكتر قلك
شو بينفعني عيونك تدمع وتقولي ندماني
لا تناديني مش رح اسمع ونسيلي عنواني
وانسيني لو بدي ارجع....من زمان ارجعتلك

كيف بدك بعيونك احلم وسرقتي احلامي
خليني عالماضي اندم وسنيني وايامي
وانسيني لو بدي ارجع....من زمان ارجعتلك

بيحن للارض المطر..... بيحن للعين النظر .....بيحن يتسلى الضجر ......وانا مش قادر حنلك
شو تعبت وقلبي نطر تيوصل منك خبر واليوم رميت الصور..... لا تلوميني ان قلتلك

بيحن للنغمة الوتر..... بيحن للشمس القمر..... بيحن لليل السهر..... وانا مش قادر حنلك
في حب بقلبي انسكر في جرح وتارك أثر........ روحي تركتك للقدر ....مش قادر اكتر قلك

جاى عبالى

جايي عبالي شوفك حدي وقبالي .....صرلي ليالي عم ناديلك بخيالي
انتي حياتي فرحة عمري وامالى .....نادي عليكي وقلن اني بحبك عالعالي عالعالي

رايح لعندك هالليلة حتى احكي فيكي
وغنيلك احلى مواويلي انا صوتي بهديكي

رايح لعندك هالليلة حتى احكي فيكي
وغنيلك احلى مواويلي انا قلبى بهديكي

رح وصل لأحبابي لأهلي ولأصحابي
آه من حبى آه من قلبى بعيوني بخبيييييييييييييييييكى

ضلك حدي طيري وهدي تسلملي هالطلة
نورتي الدنيا حواليي جمالك بيحلي
شو بحبك يا حياتي
انتي روحي وآهاتي
آه من حبى آه من قلبى انتي نور عينيييييييييييييييييييييييييييييى

قصه عشاق

احلى منك ما لقيت ........وابقى حدك شو تمنيت
ما بعرف انا شو حسيت....... آه لما قعدنا سوا

قصة عشاق من دون فراق لما تلاقوا حبو العيون
ما عرفو كيف ولا سألو كيف عرفوا انن حبو بجنون

لما بقلبي رميت النار....... وعيو عيوني ليل نهار
والباقي بتعرف شو صار........ لما قعدنا سوا

قصة عشاق من دون فراق لما تلاقوا حبو العيون
ما عرفو كيف ولا سألو كيف عرفوا انن حبو بجنون

مش قادر

مش قادر اتصور حالي لحظة من دونك
وحياتك انا كرمالك عايش لعيونك

شو ما بتحكي وتقسى عليا ما راح قلك شي
بعيونك حاسس حنية نستني كل شي
والله انت غالي عليا وغرامك عايش فيا

ما بعرف ليش ما فيا انساك انا
كل شي قدامي بيذكرني بإيام الهنا

شو ما بتحكي وتقسى عليي ما راح قلك شي
بعيونك حاسس حنية نستني كل شي
والله انت غالي عليا وغرامك عايش فيا

مشتاق كتير

مشتاق كتير ارجع شوفك يا عمري .......هالعمر صغير بتكفيني منك كلمة
سهرت عينيا.... وبقيت خبرية.... وشمعة مضوية.... بحبك وبطير

عيوني دابت بعيونك وقلبي صاير مجنونك وجفوني نسياني النوم
اشتقتلك يا غرامي كنت محلي ايامي وعم شوفك كل يوم بيوم

قلبي بيسألني عنك دخلك طمني وينك يا حلم وساكن هالليل
اغلي حلم بحياتي ايامي وذكرياتي وبغيابك عم دوق الويل

مشتاق كتير احكيلك عللي بقلبي خدني مشاوير وحدي حسيت بغربة
سهرت عينيا.... وبقيت خبرية.... وشمعة مضوية.... بحبك وبطير

عيوني دابت بعيونكوقلبي صاير مجنونك وجفوني نسياني النوم
اشتقتلك يا غرامي... كنت محلي ايامي... وعم شوفك كل يوم بيوم

قلبي بيسألني عنك دخلك طمني وينك يا حلم وساكن هالليل
اغلي حلم بحياتي ايامي وذكرياتي وبغيابك عم دوق الويل

من قلبى حبيتك

حبيبي ما فيا شيلك من عينيا
بعدك عايش فيا وحبك ما انطوى
من قلبي حبيتك... حبيبي سميتك
ضيعتك ما لقيتك فرقنا الهوى

لو بدك بليالي البرد بقطف وبجمعلك ورد
سهرت كتير نطرت كتير ارجعلي بدي حبك بعد

عم شوفك بمنامي بليلاتي واحلامي
غرامك يا غرامي راجعلي عن جد

حبيبي نسّيني انك مش ناسيني
ارجعلي وخليني نعيش بها الدنيي
لما بترجع ليا وبشوفك بعينيا
قلبي بيرقص فيا يا حبي الهنا

لو بدك بليالي البرد بقطف وبجمعلك ورد
سهرت كتير نطرت كتير ارجعلي بدي حبك بعد

عم شوفك بمنامي بليلاتي واحلامي
غرامك يا غرامي ارجعلي عن جد

هيدى

يا ريت عندي وااااااااااخ لو فيا
عقدت حبي جبلك هدية
كنت بهديكي صبا الوردات وأسرار احلامى أحلامى أحلامى الطفولية

وكنت بتعمشق على النجمات بسحّب شلل خيطان فضية
وبكلّف ملايكة وحوريات حيّكيتلك بلوزة ألوهية

وبالبحر وبالبحر كنت بغافل السمكات وبغطس متل فكر الحرامية
وبقطف زبد وبقطف زبد من رغوة الموجات ومن جدايل شمس مرخية

وبكمش وهج وبحولوا بوسات بلون أشواقي ماوردية
والطفل كنت بشلحوا البسمات وبغرف من عيونو صفا النية
وعرس الربيع بشلحوا الغنجات وكل شي معو لهتات عطرية
ومن كل طير بنتف الريشات وبفرش طريقك ريش حرية

وعالمروج بسابق النحلات بجبلك ضمير زهور بكرية
وبطير مع احلام و خيالات ع بلاد مدري وين مبنية
وبجدلك من سوالف الغيمات مرجوحتك على كتاف جنية
وبغزلك شراشف من الهمسات وفراش من قلبي نعومية
و جودله من السحر ومخدات من شعر آآآآلهة الفنيقية

وبرش ع جفونك هنا الغفوات المحروم منها حصا عينيي
و خلّي الحلم يحكيلك حكايات عن حالك لحالك غرامية

هيهات لو عندي فعل هيهااات عقد ما عندي انا نيه
احولك انتي انا بالذات وبلبسك روحي الطبيعية

لكن اذا فشلو التمنيااات و عمري ..........و عمري استسلم للعبودية

بترك مني إلك تلات كلمات محبتي و الااااااااه و النهداااااات من القلب للقلب ياللي حبك هدية
ويا ريت عندي و آآآآآآآآآآخ لو فيي

وانطفى المشوار

وانطفى المشوار ليلي صار نهار.... وعدك إلي اكبر كذبة واحترقت بنار

كيف كنت تقلي بحبك؟؟؟ كيف كنت تغار؟؟؟
وياما كان قلبي وقلبك يتحاكو اسرار
ولما ارجع اسمع همسك ونودع اخبار
هلا بدك تبعد عني ؟؟؟ روح يا غدار روح يا غدار

رحت وبعرف ما راح ترجع لأنك اناني
عيني مش راح تبكي وتدمع فل وانت الجاني

كيف كنت تقلي بحبك؟؟؟ كيف كنت تغار؟؟؟
هلا بدك تبعد عني ؟؟؟ روح يا غدار روح يا غدار

كنت ليالي اسهر لحالي قلقان ومحتار
رحت بعيد بُعدك أكيد وانتسى اللي صار
كنت ليالي قلقان ومحتار
رحت بعيد بُعدك أكيد وانتسى اللي صار

كيف كنت تقلي بحبك؟؟؟ كيف كنت تغار؟؟؟
هلأ بدك تبعد عني ؟؟ روح يا غدار روح يا غدار